સુરેન્દ્ર કડિયા ~ મજાથી

જુઓ, એક હોકો ફરે છે મજાથી
‘ફરી એક મોકો’ ફરે છે મજાથી

અહીં કૈંક લાશોના રસ્તા થયા છે
અને કૈંક લોકો ફરે છે મજાથી

તમે બંધ આંખે ધરો ધ્યાન જેનું
વિરાટે વિલોકો, ફરે છે મજાથી

અણુબૉમ્બ જેવાં અમારા શબદને
અરે ! કોઈ રોકો, ફરે છે મજાથી

ગઝલમાં ઘૂંટાતી હશે વેદ-શ્રુતિઓ
વિહગવંત શ્લોકો ફરે છે મજાથી
~ સુરેન્દ્ર કડિયા
મજાથી (!) ફરતા હોકાની વાત શરૂ થઈને ક્યાં પહોંચે છે ? અલબત્ત આ મુસલસલ ગઝલ નથી પણ તોયે જેની શરૂઆતમાં ‘ઉડતા પંજાબ’ યાદ આવી જાય એ ગઝલને કવિએ અંતે વેદ-શ્રુતિ અને શ્લોકો સુધી પહોંચાડી!