મનોહર ત્રિવેદી ~ ચાલું મોજ પ્રમાણે

ચાલું મોજ પ્રમાણે

ચાલું મોજ પ્રમાણે
કોઈ કશું ના પૂછેગાછે કોઈ કશું ના જાણે

મોજ પ્રમાણે આંખ ભરીને ભરચક ભરચક ઊંઘું
જાણે કોઈ અજાણ્યાં પુષ્પો ડાળ નમાવી સૂંઘું
હું મારું નહીં માનું પણ આ ખેંચે કોણ પરાણે?

હોઠ કરૂં જ્યાં બંધ:રાત લ્યો, મળે મને ચૂપચાપ
કંઠ વહેતો થતાં ઊઘડશે પરોઢ આપોઆપ
તેજ-તિમિરનો મનભર ઉત્સવ રસિયા કોક જ માણે

~ મનોહર ત્રિવેદી

સ્વરકાર:ગાયક: અમર ભટ્ટ