રમેશ પારેખ ~ આંખોમાં આવી રીતે * Ramesh Parekh
ન મોકલાવ
આંખોમાં આવી રીતે તું દૃશ્યો ન મોકલાવ
ખાલી થયેલ ગામમાં જાસો ન મોકલાવ
ફૂલોય પૂરબહારમાં હિંસક છે આજકાલ
રહેવા દે, રોજ તું મને ગજરો ન મોકલાવ
તું આવ કે પાડી રહ્યો છું સાદ હું તને
પહાડોની જેમ ખોખરો પડઘો ન મોકલાવ
ખાબોચિયું જ અમ તો પર્યાપ્ત હોય છે
હોડી ડુબાડવાને તું દરિયા ન મોકલાવ
થોડોક ભુતકાળ મેં આપ્યો હશે કબુલ
તું એને ધાર કાઢીને પાછો ન મોકલાવ…
~ રમેશ પારેખ
કવિના જન્મદિને સ્મરણવંદના
કવિના મુખે આ ગઝલ સાંભળો
સાદર સ્મરણ વંદના..
કવિ શ્રી ની ચેતના ને પ્રણામ
કવી શ્રી ર.પા.ને સ્મૃતિ વંદન.
કવિ શ્રી ર.પા.ને સ્મૃતિ વંદન.