અમર પાલનપુરી ~ કૈફ હશે * Amar Palanpuri
આંખોમાં છલકતો કૈફ હશે
હાથોમાં ભરેલા જામ હશે;
બોલાવ્યા અમે ના બોલીશું,
પણ હોઠે તમારું નામ હશે.
મેં લાખ ગુનાઓ કીધાં છે,
પણ સાવ નિખાલસ હૈયાથી;
હો નર્ક જ મારું ધામ ભલે
પણ સ્વર્ગમાં મારું નામ હશે.
હું તુજને કરી દઉં માફ ભલે
પણ લોક નહીં છોડે તુજને
જે માર્ગમાં માર્યો તેં મુજને
એ માર્ગ પર મારું નામ હશે
હો દિલમાં ભલે સો દર્દ ‘અમર’
હમદર્દી ખપે ના દુનિયાની
મનગમતો દિલાસો મળશે તો
આરામ હશે આરામ હશે.
~ અમર પાલનપુરી
એવર ગ્રીન કવિ!
અેવરગ્રીન કવિ ની સાચેજ અેવરગ્રીન રચના ખુબ ગમી અભિનંદન