હનીફ સાહિલ ~ અરુંપરું આંખેામાં * Hanif Sahil
અરુંપરું આંખેામાં સમણાં સરક્યાં હો જી
મારી ભીતર તેજ તમસનાં પ્રગટયાં હો જી
ઊંડે ઊંડે લોહીમાં તરતા પડછાયા
શ્વાસે શ્વાસે અત્તર થઈને મ્હેંકયા હો જી
અધરાતે મધરાતે કોના પગરવથી આ
ઝબ્બ દઈને સમણાંમાંથી ઝબક્યા હો જી
પડછાયાનો સ્પર્શ થતાં અંધારું ગ્હેક્યું
અલકમલકનાં રાજ અમારાં મલક્યાં હો જી
~ હનીફ સાહિલ
સરસ મજાની રચના ખુબ ગમી અભિનંદન
સરસ અભિવ્યક્તિ. અભિનંદન.
સરસ
સરસ રચના, ગીત-નઝમનો લય ભજન સુધી પડઘાય છે.
સાચું. શબ્દોનો ભાવ અને ‘હો જી’નો પ્રયોગ આ કામ કરે છે.