સમય પાંપણેથીય સરકી ગયો છે
ભલે તું ગમે તેમ ધારીને આવે.**
સ્પર્શ કૂંપળ ટેરવે ફૂટી મને
ગંધ ભીની આ વસંતી પળ હશે. **
શ્વાસ મારા હશે કે પરાયા હશે
એ વિશે જાત મારી લડી છે મને. **
આંખોમાં એવું ઊમટ્યું રંગોનું ઘોડાપૂર
ખોબા ભરી ભરીને ગગનમાં ઉછાળીએ. **
બારી ક્યાં ખોલવાની હોય છે
ખૂલવાનું હોય કેવળ આપણે. **
આભથી વરસે નહીં તો કરોડો આંખથી વરસી પડે
આ દેશમાં ચોમાસું ક્યારેય કદી કોરું જાતું નથી.**
~ શૈલેષ શાહ ‘શૈલ’
કવિ શૈલેષ શાહ તરફથી એમનો કાવ્યસંગ્રહ ‘ખૂલવાનું હોય કેવળ આપણે’ મળ્યો છે.
‘કાવ્યવિશ્વ’ના પ્રાંગણમાં કવિનું સ્વાગત છે.
શૈલેષ શાહ ‘શૈલ’ * ‘ખૂલવાનું હોય કેવળ આપણે’ * સ્વયં 2020
વાહ કવિરાજ!
સરસ સરસ ,ખૂબ સરસ.અભિનંદન.
સરસ સરસ,ખૂબ સરસ
સમય પાંપણે થી વહી રહ્યો છે, વાહ શ્રીકવિરાજ વાહ.