લતા હિરાણી ~ જીવ્યા એટલું * Lata Hirani

જીવ્યા એટલું જીવવાનું કૈં ?   
રોજ મોજમાં રે’વાનું ભૈ !

શ્વાસે શ્વાસે ઊડવું રે, નૈ?  
ગાતા રે’વું નવું કવન ભૈ.

બહુ બહુ હું તો નીંદરમાં રૈ
તોયે એણે સંભાળ્યું ભૈ.

સમજણ તો છે સરવાણી સૈ  
લે એને તું પરમાણી ભૈ.

ધજા થઈને ઉડવું રે દૈ  
ને મારગમાં ખૂટવું રે ભૈ.

~ લતા હિરાણી

31.12.22

દૈ – દૈવ

પ્રફુલ્લ પંડ્યા

આજે નવલાં વર્ષની સુંદર પ્રભાતે પ્રિય ” કાવ્ય વિશ્વ” માં આપની તસ્વીર અને સુંદર ગીત વાંચીને આનંદનો ઉદધિ ઉછળ્યો અને નવા વર્ષનું દમદાર ” સ્ટાર્ટ અપ” મળ્યું.ગીતનું વિશ્વ ગહનતાની સરળ સહજ ભાવ – ઉછાળ અભિવ્યક્તિ છે.તમારી આ કૃતિમાં ભાવસભર ઉદ્દગારો ભાવકને ભીંજવે છે. હાર્દિક અભિનંદન !
પ્રફુલ્લ પંડ્યા