શ્યામ સાધુ ~ તારો વિચાર * Shyam Sadhu

તારો વિચાર બારીના પડદે ઝૂલી ગયો

દશ્યોનો ભેદ એ પછી દરિયે ડૂબી ગયો

બે ડાળી વચ્ચે જાણે કે તડકો ગુલાબ છે ,

મોસમનો રંગ કેટલો મિઠ્ઠો બની ગયો !

પથ્થરની જેમ હાંફતા પીળા શહેરમાં

મારા સમયના મોરનો ટહુકો તૂટી ગયો.

આકાશ આમતેમ વિખરાઈ જાય પણ,

એકાદ સૂર્ય ઊગવું આજે ભૂલી ગયો.

એકાંતનો પરિચય એ રીતે થયો

સૂનકાર તારી યાદની જેમ જ ઉગી ગયો !

~ શ્યામ સાધુ

એક એક શેર હીરા જેવા….