🥀🥀
આ ખળખળતા ઝરણાંને ઝળહળની માયા
આ મઘમઘતા ફૂલોને પાંખાળી છાંયા.
રે ઝાકળને આપી દો વહેવું વસંતી
ને ભમરાને સોંપી દો ખીલવું સુગંધી.
ગતિ કે સ્થિતિ હો તરસ પામવાની
તિમિર તેજનાં તળ અકળ માપવાની
આ નભ પાસે આવે ને પોતાનું લાગે
પછી ભોમ ખેંચીને હૈયે લગાવે.
ક્ષણક્ષણ સમયજળ તો વહેતું જ રહેશે
એ ઝીણેરા છાંટાઓ હળવેથી કહેશે,
ઘડીમાં જ સ્થાપી દો કલરવતા ગાણાં
ઘડીમાં ઉથાપી દો કંકાસી પાણાં*
થવા દો બધું આજ રંગીન રસબસ
ઊગ્યો જો ને સૂરજ, સવારો છે ધસમસ…
~ લતા હિરાણી
*પાણા (પથ્થર)
કાવ્યસંગ્રહો : 1. ‘ઝળઝળિયાં’ 2. ‘ઝરમર’ 3. ‘ઊગ્યું રે અજવાળું’
19.11.2020
‘કાવ્યાયન’ * હરદ્વાર ગોસ્વામી * 15.4.25
Too good!
અદ્ભુત લય છે, લતાબેન!
વાહ વાહ અને વાહ
વાસંતી વાસંતી જલસો પડી ગયો,.
વાહ… સરસ રચના
ગઝલપૂર્વક અભિનંદન લતાબેન.
લયને વહન કરતી સરસ રચના.
આભાર ગીતાબેન, નીપાબેન, રેણુકાબેન, જયશ્રીબેન, મહેશભાઈ અને મીનળબેન …. સૌનો આભાર.