🔆ગોવિંદભાઈ પટેલ ~ ફાગણ આવ્યો🔆

ફાગણ આવ્યો ફૂલ્યો,
શિશિર તણો પાલવ ખેંચાતાં વૈભવ સઘળો ખૂલ્યો.

કેસૂડલાની કળીએ કેવાં સ્વપ્ન સુનેરી સીંચ્યાં!
આભ તણા અંતરને આંબી હૈયાં હેતે હીંચ્યાં,
કોકિલના ટહુકારે કેવાં બદલી નાંખ્યાં મૂલ્યો!|
ફાગણ આવ્યો ફૂલ્યો !

ફૂલડે ફૂલડે હાસ્ય કરે શું, લાસ્યભરેલી ગોરી
પ્રીત ગજવતા તોરી કેવી, અલિગણ છેડી હોરી
સૂર અને સૂરતમાં કેવો જડતારાશિ ડૂલ્યો!
ફાગણ આવ્યો ફૂલ્યો !

લહર લહરમાં વારે વારે, કોણ મોકલે તેડાં?
રાતદિવસ ભૂલાવી ઠાલાં, કોણ કરે છે ચેડાં?
આમ્ર રહ્યો મહેકી એવો કે કલ્પવૃક્ષ હું ભૂલ્યો!
ફાગણ આવ્યો ફૂલ્યો ! 

~ ગોવિંદભાઈ પટેલ (જ. 17.7.1921)

કાવ્યસંગ્રહો : ‘પિપાસા’, ‘જીવનવર્ષા’

🥀દિનવિશેષ: હર્ષદ ત્રિવેદી, હરિવદન જોશી, ગોવિંદભાઇ પટેલ, ચેતન શુક્લ, અક્ષય જોશી🥀

લતા હિરાણીની વાર્તાઓ ~ મોહન પરમાર