🔆હર્ષદ ત્રિવેદી ~ રહી છે વાત🔆 -

રહી છે વાત અધૂરી
શબ્દ અર્થની વચ્ચે જાણે પડી ગઈ છે દૂરી, રહી છે વાત અધૂરી …

એક પળે વરસાદ વરસતો, પળમાં બીજી ધૂપ
આ તે કેવી મોસમ છે ને આ તે કેવું રૂપ
અકળ મૌનની આવજાવમાં સળવળ કરે સબૂરી
રહી છે વાત અધૂરી….

જળમાં મારગ, મારગમાં જળ, માટી જેવી જાત
ઓગળતા ઓગળતા જીવે ઝીણી માંડી વાત
આમ ઝુરાપો અડધે મારગ આમ જાતરા પૂરી!
રહી છે વાત અધૂરી….

~ હર્ષદ ત્રિવેદી

‘રહી છે વાત અધૂરી’ કવિના એક કાવ્યસંગ્રહનું આ શીર્ષક પણ છે.

આ ગીત સમજાય તો સમજાય નહીંતર અધૂરું રહી જાય એમ પણ બને.

‘શબ્દ અને અર્થની વચ્ચે જાણે પડી ગઈ છે દૂરી’ એમ કવિ કહે છે. અહીં વાત ઘણી ઊંડી છે. મોસમની વાત છે, મૌન અને સબૂરીની વાત છે. માટી જેવી જાતની વાત પણ કવિએ માંડી છે. પણ કદાચ છેલ્લી બે પંક્તિમાં સંકેતોમાં કવિએ કૈંક બતાવવાનો પ્રયાસ કર્યો છે.

જીવ ઓગળે છે, મૂંઝાય છે, એને કશીક શોધ છે, ઝુરાપો છે….. વાત માંડે છે પણ શબ્દો ખોવાય છે. કશુંક પૂરું થઈ ગયેલું લાગે ત્યાં ફરી ઝંખના જાગે…. મન અકળ મૌનમાં સરે ત્યાં સબૂરી સળવળ કરે….

એક અદીઠ, અકથ્ય અજંપાની વાત એટલે આ ગીત…..

🥀દિનવિશેષ: હર્ષદ ત્રિવેદી, હરિવદન જોશી, ગોવિંદભાઇ પટેલ, ચેતન શુક્લ, અક્ષય જોશી🥀

લતા હિરાણીની વાર્તાઓ ~ મોહન પરમાર

Varij Luhar

17/07/2026 at 10:18 am

વાહ સરસ ગીત.. કવિની કોઈ વાત અધૂરી ન રહે તેવી તેઓના જન્મદિવસે શુભકામનાઓ 🎂

Priti Bhargav

17/07/2026 at 1:14 pm

વરસાદ અને ધૂપ તથા પૂરી થયેલી જાત્રા અને અધૂરું રહી ગયેલું કશુંકના ઝુરાપા વચ્ચેના અવકાશમાં કવિના શબ્દો અવતરતા નથી એ. માત્ર શૂન્યાવકાશ છે અધૂરી વાતનો.
ગીતનો આસ્વાદ અહીં શોધનો છે એવું તે શું છે જે મૌનમાં કહેવાય છે?

Priti Mehta

17/07/2026 at 1:19 pm

કવિશ્રીને જન્મદિવસની ખૂબ ખૂબ શુભેરછા

'સાજ' મેવાડા

17/07/2026 at 11:17 pm

કવિએ કાવ્યમાં જે કહેવા ધાર્યું છે એ અકળ, અધુરું સમજાય છે. બાકી પહેલી પંક્તિથી અણસાર આપી દીધો છે.

🔆હર્ષદ ત્રિવેદી ~ રહી છે વાત🔆

Like this:

Related

4 thoughts on “🔆હર્ષદ ત્રિવેદી ~ રહી છે વાત🔆”

Leave a Comment Cancel Reply