🔆મનોજ ખંડેરિયા ~ સ્હેજ હડસેલી🔆 -

સ્હેજ હડસેલી ઠેલી ખોલી નાખ
બંધ જીવતરની ડેલી ખોલી નાખ

બંધ મુઠ્ઠીની છે સમસ્યા સહુ
તારી મુઠ્ઠી તું વ્હેલી ખોલી નાખ

શ્વાસને સાવ છુટ્ટા મેલી દે!
તું હવાની હવેલી ખોલી નાખ

બારની તડથી આવે મ્હેક હવે
ક્યાંક મ્હેકે ચમેલી ખોલી નાખ

બીજમાંથી સીધી પૂનમ દઈ દે!
સ્હેજ પાંપણ નમેલી ખોલી નાખ

આ ગઝલ આપણા જીવન-તાંદુલ
પોટલી શરમ મેલી ખોલી નાખ

બાર વાસ્યું છે અમથું અડકાડી
સ્હેજ હડસેલી ઠેલી ખોલી નાખ

~ મનોજ ખંડેરિયા (6.7.1943 – 27.10.2003)

🥀દિનવિશેષ : મેહુલ ત્રિવેદી🥀

ઉલ્લાલા

Varij Luhar

05/07/2026 at 10:44 am

વાહ.. સ્હેજ હડસેલી .. ખૂબ સરસ

છબીલભાઈ ત્રિવેદી
05/07/2026 at 11:12 am

વાહ ખુબ સરસ રચના તાંદુલ પોટલી શરમ મેલી ખોલી નાખ સ્મ્રુતિવંદન 🙏🙏🙏🙏

Loading...

'સાજ' મેવાડા

05/07/2026 at 11:27 pm

વાહ, ખૂબ જ સરસ ગઝલ. કવિ ઘણાં સંદર્ભો આપે છે, એને ખોલવાની વાત હ્રદયમાં અવનવા ભાવો ઉત્પન્ન કરે છે.

🔆મનોજ ખંડેરિયા ~ સ્હેજ હડસેલી🔆