🔆પરબતકુમાર નાયી ~ ખેતરનો શેઢો🔆 -

ખેતરનો શેઢો ને શેઢાની પાળ ઉપર બપ્પોરી ભાથું અણમોલ,
એમાં ભાભીના મીઠા બે બોલ!

ચૂરમાની તાંસળીમાં માખણના લોંદાને મૂક્યો છે સાચવીને કોરે,
મધમીઠા રોટલામાં ઓકળીની ભાત રૂડી ભાભીની આંગળીઓ દોરે!
ભાઈના છાંયડામાં લ્હેરાતો લીલોછમ લાગણીના ખેતરનો મોલ!
એમાં ભાભીના મીઠા બે બોલ!

નિરાંતે પેટ-ભરી બેઠા શું દેવરજી? ઊટકવા ઠામ કોણ જાશે?
ઊંચી ઘોડીનો આ ઊંચો અસવાર આમ કેટલા દી’ ઉછીનું ખાશે?
કાન જરા માંડો ઉગમણા પાદરમાં ક્યારનોય વાગે છે ઢોલ!
આવાં ભાભીના મીઠા બે બોલ!

~ પરબતકુમાર નાયી

માતા-પિતા, પતિ-પત્ની, ભાઈ-બહેન વગેરે સંબંધોના ઘણા કાવ્યો લખાયા છે. ભાભી માટેના કાવ્યો ક્યાંક હશે પણ ખાસ જોવામાં નથી આવતા ત્યારે આ ભાભીનું ગીત ગમી ગયું.

સરળ અને સમજાઈ જાય તથા તરત મનમાં વસી જાય એવું ગીત….

🥀દિનવિશેષ : મેહુલ ત્રિવેદી🥀

ઉલ્લાલા

છબીલભાઈ ત્રિવેદી

05/07/2026 at 11:10 am

વાહ ખુબ સરસ રચના ભાભી માં સમાન છે ખુબ ગમી અભિનંદન

Parbatkumar Nayi
05/07/2026 at 9:10 pm

આભાર સાહેબ

Loading...

Kishor Barot

05/07/2026 at 11:22 am

સરસ ગીત 👌

Parbatkumar Nayi
05/07/2026 at 9:10 pm

આભાર સાહેબ

Loading...

'સાજ' મેવાડા
05/07/2026 at 11:24 pm

વાહ, સ્નેહાળ ભાભીની મીઠી ટકોર.
ખૂબ જ સરસ શબ્દ ચિત્ર.

Loading...