🔆હેમંત ગોહિલ ~ મારું આકાશ🔆 -

મારું આકાશ મને આપો
કોમળ પીછાંનો સાવ સાચો પર્યાય હોય એવી હળવાશ મને આપો.

આપી આપીને કોઈ આપે છે ફૂંક, અહીં આપે છે કોઈ ક્યાં લ્હેરખી
પોતીકો રંગ મૂકી આળેખવી ભાત કેમ? જીવતર જીવાય જ્યાં મ્હેરથી
ખોબો ભરીને ક્યાં માગ્યું છે સાહ્યબા, ચપટીક બસ હાશ મને આપો
મારું આકાશ મને આપો

ગણીને ગીત સૌ આપે બુલબુલને, મેળવે છે રોજ એનો તાળો
મનગમતા રાગ પછી કેમ કરી છેડવા? ટહુકાનો માગે સરવાળો
વગડો જો હોય તો વાંધો ક્યા હોય છે, સાથે પલાશ મને આપો
મારું આકાશ મને આપો

સૌનો દિવસ હોય સૌનો સુવાંગ પણ સૌનો સૂરજ હોય એક
ઓઢે છે કોઈ રાત કાળીડીબાંગ, કોઈ ઓઢે છે સમણાં અનેક
આખ્ખું ચોમાસું દઉં ચાકળામાં ગૂંથી લગરીક ભીનાશ મને આપો
મારું આકાશ મને આપો.

~ હેમંત ગોહિલ ‘મર્મર’

આવી નરવી હળવાશ કોને ન જોઈએ? વળી કોમળ પીછાંનો સાવ સાચો પર્યાય હોય એવી હળવાશ મને આપો. વાસ્તવિક જીવનમાં શક્ય જ નથી પણ આવી સુંવાળી કલ્પના કેવી આનંદની લહેરખીમાં નવડાવી જાય ! મન ઘડીક પતંગ બની જાય ! આખરે કવિતાનું જ આ કામ છે ને !

યાદ આવે છે કવિ વિનોદ જોશીનું ગીત ‘આપી આપીને તમે પીંછું આપો, સજન! પાંખો આપો તો અમે આવીએ’

***

🌸દિનવિશેષ : રસીલા કડિયા, મણિલાલ શ્રીમાળી, રાજેન્દ્ર ક્રિશ્ન🌸

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

વહાલા દાદીમા

હરીશ દાસાણી.મુંબઈ

06/06/2026 at 9:39 am

સુંદર ગીત

રાજેન્દ્ર ભટ્ટ
06/06/2026 at 11:22 am

ખૂબ સુંદર રચના

Loading...

વંદના બ્રહ્મભટ્ટ 'નેહ'
10/06/2026 at 12:11 pm

સુંદર ગીત કેવી શ્રીને અભિનંદન,💐

Loading...