🔆જિતુ ત્રિવેદી ~ એટલે સધૂળ🔆

એટલે સધૂળ પડ્યાં હોય પુસ્તકો
વાચકો હતા તે થયા આજ દર્શકો

માત્ર દર્શકો જ થવું છે તો અહીં જુઓ
અર્થને મરોડી ઝૂમે શબ્દનર્તકો

એકએક શબ્દ સૂરજનું સ્વરૂપ છે
એકએક વાક્ય વચે કૈંક ચુંબકો

સર્જકોની જેમ‌ હરીફાઈમાં ઊભાં
પાંચ-દસ હજાર ખરીદેલાં પુસ્તકો

લેખકે સમયના મુખે સાંભળ્યું સૂચન
દે કરોડ શ્વાસ ને લઈ જા બે ચંદ્રકો

~ જિતુ ત્રિવેદી

આજે પુસ્તકદિન

પુસ્તકો વાંચનારા ઘટ્યા છે અને ગ્રંથાલયોના ઘોડાઓ ધૂળથી છવાયેલા છે. લાયબ્રેરીમાં જવું હોય તો સફાઈનું કપડું સાથે લઈ જવું અનિવાર્ય છે. કેમ કે હવે પુસ્તકોની જગા ‘સ્ક્રીન’ લઈને બેઠો છે. જગજાહેર આ વાત છે.

હવે કવિ કૈંક જુદી વાત કરે છે. દર્શકો થવું છે તો શબ્દોનો નાચ જોવો પડશે. શબ્દને તોડી મરોડીને નચાવનારાની ખોટ નથી. સ્ક્રીન એની સામે કોઈ પગલાં લેતો નથી ને લેવાનો નથી.

પણ લખાતા અને વંચાતા શબ્દનો મહિમા જુદો છે એ સાચો ભાવક જાણે છે. એના માટે હજી કાગળ ચુંબક છે અને એના પર લખાયેલા શબ્દો, વાક્યો સુખનો સાગર.    
***

🌸આજે જન્મદિન: વજેસીહ પારગી🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏