🔆લતા હિરાણી ~ આંખ ખુલતાં🔆 -

*તડકો*

આંખ ખુલતાં જ
સીધો
કૂણો તડકો
કીકીઓમાં અંજાયો.
એ સાથે જ
ઊઘડ્યું સ્મિત….

થોડોક મુઠ્ઠીમાં ભર્યો
એ રૂંવાડેય રેલ્યો
હૂંફ ને હળવાશથી
મન હરખ્યું.

લે, લે, હજી લે
સૂરજ દેતો જ ગયો

એ રેડાયો ચાના કપમાં
ને વેંટીલેશનની ખાંચમાંથી
ટપક્યો બાથટબમાંય.

એને રહેવું છે મારી સાથે
એટલે
એ પેનમાં ઠલવાઈ
શબ્દોમાં ખૂલ્યો.

હવે
અહીં રાત પડતી નથી…..

~ લતા હિરાણી

પ્રકાશિત @ કવિલોક @ જુલાઈ-ઓગસ્ટ 2017

🌸આજે જન્મદિન: ભાવિન ગોપાણી, દ્વારકેશ વ્યાસ, હસમુખ અબોટી ‘ચંદન’🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏

જિજ્ઞા વોરા

19/04/2026 at 7:33 am

અજવાળું ફેલાવતું અછાંદસ. ગમ્યું. અભિનંદન બેન.

Kirti Shah
19/04/2026 at 10:37 am

Have ahi rat padti nathi સરસ સરસ

Loading...

છબીલભાઈ ત્રિવેદી
19/04/2026 at 11:15 am

વાહ ખુબ સરસ અછાંદસ કાવ્ય ખુબ ગમ્યુ અભિનંદન

Loading...