🔆મનોજ જોશી ~ ઉકળતી હોય ત્યારે🔆 -

ઉકળતી હોય ત્યારે અજવાળે રોમ રોમને પીઉં તો લાગે છે કીક !
મારી ચાનું સૌંદર્ય લવચીક…

લીંબુ ને લસ્સી તો ઉનાળે આવતાં ને શિયાળે ઘુસ મારે કાવો;
એક પછી એક બધા આવે ને જાય પણ ચાનો તો બારમાસી લ્હાવો !
સેંકડો છે Soft Drink ને હજ્જારો Hard પણ ચાને ના કોઈની’યે બીક !
મારી ચાનુ સૌંદર્ય લવચીક…

Shake અને Juice તો આયાતી લાગતાં ને Coffee તો પરદેશી પ્રાંતની,
મીલ્ટનને વાંચુ હું પહેલાં શું કામ ? કવિતા મળે જો મને કાન્તની !
નકરી પ્રશસ્તિ આ ચાની નથી ભઈ; અંદર ગુંથી છે વાત માર્મીક !
મારી ચાનું સૌંદર્ય લવચીક……..

~ ડૉ.મનોજ જોશી ‘મન’

ચા વગર બહુ ઓછાની સવાર પડી શકે. સવાર જેવી સવારને પ્રગટવા માટે ‘ચા’ની જરૂર પડે એ તો ભાઈ કહેવું પડે !

આજે છે ‘ચા’ દિન !

🙏 મિત્રો, આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં પસંદના કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏