🔆મનોહર ત્રિવેદી ~ કાલવીને પાયાં🔆

કાલવીને પાયાં માએ ઔષધમાં હાશ
હીંચોળી હીંચોળી દીયા તાલ-લય-પ્રાસ

જનપદે દીધા મને દૂહા જેવા છંદ
હ્રદયે ઝીલ્યાં છે એનાં આનંદ આકંદ

ઊંચકાયો, ઠેક ભરી, કૂધો કૈંક કોઠા
અહીંથી હું પામ્યો કથા-ઉખાણાં ને ઓઠાં

એણે આપ્યાં ગાન કંઠે, આંખમાં ઉમંગ
પ્રેમની પીંછીથી પૂર્યાં કવિતાના રંગ

કવિતા છે વૃક્ષ પંખી ધરતીની ધૂળ
નભ પોતે કવિતા છે ત્યાં યે મારાં મૂળ

કવિતા છે શ્વાસે-શ્વાસે ઘૂંટાયેલો મંત્ર
કવિતા ના હોત, હોત દેહ નામે યંત્ર

અછોઅછો વાનાં કરી મારા મહીં રમે
કારણ શું હોય ? – મને કવિતાઓ ગમે

કેફિયત જેવું થોડું પડયું છે સંચિત
ફાવે તો લે, છાપ, બીજું કહું શું અંકિત?

~ મનોહર ત્રિવેદી

‘શબ્દાલય’ (કવિતાનું દૈમાસિક)ના દીપોત્સવી અંક માટે એના તંત્રી અંકિત ત્રિવેદીએ કવિતા ઉપરાંત કવિ-કેફિયત મંગાવેલી. એના પ્રતિભાવ રૂપે…

વાહ વાહ કવિ….

આજનો દિનવિશેષ : દક્ષા સંઘવી, મનોહર ત્રિવેદી, સતીન દેસાઇ ‘પરવેઝ’ – જયંત પારેખ, કિસાન સોસા ‘અનામય’, ડાહ્યાભાઇ પટેલ ‘માસૂમ’, માયા એન્જેલૂ & *ખલિલ ધનતેજવી,  *માખનલાલ ચતુર્વેદી, *અજ્ઞેય’ (સચ્ચિદાનદ હીરાનંદ વાત્સ્યાયન), કુંદનલાલ સહગલ (*અવસાન તારીખ)

🙏 નોંધ: કવિઓના જન્મદિવસોનો વિભાગ ‘વિશેષ’ ‘કાવ્યવિશ્વ’ પર આપ ગમે ત્યારે જોઈ શકો છો. like, પ્રતિભાવ પણ આપી શકો છો. આભાર. આપના નામથી ‘search’ આપો, હાજર.🙏

🙏કાવ્યવિશ્વ’માં કવિના નામથી, કાવ્યની પ્રથમ પંક્તિથી અને વિષયથી કાવ્ય કે લેખ શોધી શકાય છે જુઓ search, હાજર.🙏

🙏સૂચના પ્રમાણે કશું ના મળે તો જાણ કરવા વિનંતી. 🙏