🔆ઉપેન્દ્ર ભગવાન ~ એ તો કેવી🔆 -

એ તો કેવી અજબ જેવી વાત છે!

નાની મારી આંખ, એ તો જોતી કાંક કાંક….
એ તો કેવી અજબ જેવી વાત છે!

નાક મારું નાનું, એ સૂંઘે ફૂલ મજાનું….
એ તો કેવી અજબ જેવી વાત છે!

નાના મારા કાન, એ સાંભળે દઈ ધ્યાન….
એ તો કેવી અજબ જેવી વાત છે!

નાનું મોઢું મારું, એ બોલે સારું સારું….
એ તો કેવી અજબ જેવી વાત છે!

નાના મારા હાથ, એ તાળી પાડે સાથ….
એ તો કેવી અજબ જેવી વાત છે!

પગ મારા નાના, એ ચાલે છાનામાના….
એ તો કેવી અજબ જેવી વાત છે!

આંગળી મારી લપટી, એથી વગાડું ચપટી….
એ તો કેવી અજબ જેવી વાત છે!

~ ઉપેન્દ્ર ભગવાન

કોઈ પણ ઉંમરે વાહ બોલાઈ જાય અને મન પ્રસન્ન થઈ જાય એવું વ્હાલકૂડું ગીત !

Anonymous

20/02/2026 at 9:09 am

દરેકના બાળપણનું મજાનું ગીત 👌👌👌🙏

છબીલભાઈ ત્રિવેદી

20/02/2026 at 9:54 am

આ પણ ખુબ સરસ બાલગીત વિવિધ કાવ્ય પ્રકાર નો રસથાળ એટલે કાવ્ય વિશ્વ અભિનંદન

બાળપણ નું ગીત હજુ પણ ચિરંજીવ

'સાજ' મેવાડા

20/02/2026 at 8:34 pm

વાહ, સરસ યાદ, આપણા સૌના બાળપણની.

Kavyavishva

22/02/2026 at 8:21 pm

પ્રતિભાવ લખનારા મિત્રોનો ખૂબ આભાર.
‘કાવ્યવિશ્વ’ની મુલાકાત લેનારા મિત્રોનો પણ એટલો જ આભાર.
https://www.kavyavishva.com

🔆ઉપેન્દ્ર ભગવાન ~ એ તો કેવી🔆