🔆સુરેન ઠાકર ‘મેહુલ’ ~ શું અચાનક🔆 -

*શું અચાનક સાંભર્યુ છે*

શું અચાનક સાંભર્યુ છે કોઈનું હોવાપણું
કેમ અણધાર્યુ સતાવે છે મને સંભારણું.

શક્યતા ના હો છતાં પણ સાંભરું છું હું કદી?
યાદ આવે છે તને આભાસી ઘરનું આંગણું?

ઓ પ્રવાસી! આવી એકલતા કદી સાલી નથી
હું દીવાલે લીંટીઓ દોરી, નિસાસાઓ ગણું.

એકધારું આજ તો વરસ્યા છે ગુલમ્હોરો અહીં
એક શ્વાસે આજ તો હું પી ગયો છું પણ ઘણું.

કોઈ વીતેલો દિવસ જો સાંભરે તો આવજે
સાવ રસ્તામાં જ છે છોડી દીધેલું પરગણું.

સાવ સીધી વાત છે તારા સવાલોની વ્યથા
એક ઊંડું દર્દ જે વ્હોરી લીધું છે આપણું.

આજ લાગે છે કે થોડી હૂંફ હોવી જોઈએ
ચાલ ‘મેહુલ’ ઘર જલાવીને કરીએ તાપણું.

~ સુરેન ઠાકર ‘મેહુલ’ (30.7.1942 – 27.7.2022)

આપને આ વાંચવું ગમશે.

મારિયા કોરિના અને માનવઉત્કર્ષ

હરીશ દાસાણી.મુંબઈ

29/12/2025 at 7:41 pm

ખૂબ સરસ ગઝલ છે. સુરેનભાઈ માટે સ્નેહાંજલિ.

છબીલભાઈ ત્રિવેદી

30/12/2025 at 11:51 am

વાહ ખુબ સરસ ગઝલ ખુબ ગમી પ્રણામ

Minal pravinchnra Oza

30/12/2025 at 12:26 pm

‘ઘર જલાવી..’ એ પંક્તિની અભિવ્યક્તિ રજૂઆત ભાવને સુપેરે વ્યક્ત થઈ છે. વંદન.

'સાજ' મેવાડા

30/12/2025 at 6:53 pm

ખૂબ જ સરસ ગઝલ.

Kavyavishva

01/01/2026 at 12:08 pm

‘કાવ્યવિશ્વ’ના સૌ મુલાકાતીઓનો આભાર.

સમય ફાળવીને Like અને પ્રતિભાવ આપનારા મિત્રોનો ખાસ આભાર.

મુલાકાત લેતા રહેશો, એ ગમશે.

લતા હિરાણી

🔆સુરેન ઠાકર ‘મેહુલ’ ~ શું અચાનક🔆