🔆રઘુવીર ચૌધરી ~ આ દર્દ🔆 -

આ દર્દ મૌનમાં જ છવાતું ભલે હવે,
મેં તો કહ્યું હતું મને ને સાંભળ્યું તમે.

આ સાંજની હવાને યાદ સૌમ્ય ઉદાસી,
ચાલી ગયાં એ સંગ સમયની, ઊભા અમે.

તેં મિત્રને જુદા ગણીને ઓળખ્યા નથી,
જોયું કે એમને જ અજાણ્યા થવું ગમે.

ભૂલી જવાય તોય ગુમાવવાનું કૈં નથી,
એ ભૂતકાળ તો જગતમાં સર્વદા ભમે.

મેં તો વિદાયનો જ અનુભવ સદા કર્યો,
ખાલી બતાવ્યું આભ જનારા વિહંગમે.

~ રઘુવીર ચૌધરી (5.12.1938)

શબ્દોની પાછળ એક ઊંડી પીડાની, દર્દની છાયા ભમ્યા કરે છે, જે ભાવકને પણ એ જ ભાવમાં ખેંચી જાય છે.

કવિના જન્મદિને વંદન સહ…

છબીલભાઈ ત્રિવેદી

05/12/2025 at 7:48 am

ખુબ સરસ રચના જન્મદિવસ ની શુભ કામના સહ પ્રણામ

Anonymous

05/12/2025 at 5:46 pm

યાદની પીડાને વેઠતા કવિની રચના ભાવને બરાબર અભિવ્યક્ત કરે છે.

Kavyavishva

05/12/2025 at 9:44 pm

પ્રતિભાવ આપનારા મિત્રો – છબીલભાઈ
અને ‘કાવ્યવિશ્વ’ની મુલાકાત લેનારા મિત્રો
સૌનો આભાર.
લતા હિરાણી

'સાજ' મેવાડા

05/12/2025 at 10:50 pm

વાહ, સરસ ગઝલ. મત્લા ખૂબ સરસ.

ઉમેશ ઉપાધ્યાય

06/12/2025 at 5:03 pm

👌👌વાહ

🔆રઘુવીર ચૌધરી ~ આ દર્દ🔆