🔆રાજેશ વ્યાસ ‘મિસ્કીન’ ~ લાગણીની સાથ🔆

*દીવા*

લાગણીની સાથ પ્રગટે – ઝળહળે દીવા,
આંસુઓને ઘેર તો કાયમ બળે દીવા.

મોક્ષ પુરી પ્રીત છે સંગમ ત્રિવેણી ત્યાં,
દેહ – મન ને પ્રાણના ભેગા મળે દીવા.

ગામના ખૂણે હતું ખંડેર ઘર ઊભું,
કોઈ પણ ખોદે અને ત્યાં નીકળે દીવા.

જીવતી’તી તેજમાં એનાં અભણ આંખો,
વાત શ્રદ્ધાની બધીયે સાંભળે દીવા.

કોઈ લઈ જાઓ અમે શોભાવશું અવસર,
જોઉં છું ફૂટપાથ ઉપર ટળવળે દીવા.

દૂર સુધી વ્હેણમાં જોતો રહ્યો વ્હેતા,
પ્રાર્થના કરતો રહ્યો સૌના ફળે દીવા

પુણ્ય જો ભેગા મળે ‘મિસ્કીન’ જન્મોના,
કુળમાં પ્રગટ્યા કરે દીવા તળે દીવા.

~ રાજેશ વ્યાસ ‘મિસ્કીન’

🌹સૌ કાવ્યપ્રેમીઓને દિપાવલી અને નૂતન વર્ષની અઢળક શુભેચ્છાઓ. આજથી દિવાળીના તહેવારો શરૂ થાય છે અને ‘કાવ્યવિશ્વ’ નાનકડું વેકેશન (વિરામ) લે છે. આપણે તા.26 લાભપાંચમના દિવસે ફરી કવિતાઓ સાથે મળીએ છીએ. ત્યાં સુધી આપની ફુરસદના સમય માટે ‘કાવ્યવિશ્વ’નો ભંડાર ખુલ્લો જ છે. જુદા જુદા વિભાગોમાં આપને જોવા ગમશે.

કાવ્ય 4205
અનુવાદ 94
વારસો (લોકગીતો વગેરે) 40
સંચય (કવિના હસ્તાક્ષરોમાં કવિતા) 73
સર્જક (કવિ પરિચય) 71
સેતુ (કવિઓના કાવ્યસર્જનને લગતા પ્રસંગો) 98
સ્વરૂપ (અછાંદસ, ગઝલ, ગીત, સોનેટ વગેરેને લગતા લેખો)  42
હાઉક (નવો વિભાગ : બાળકાવ્યો) 32
યુવા…હ (યુવાનો માટેનો વિભાગ) 2
હાલરડાં  7

મિત્રો
કમ્પ્યુટરમાં : આ બધા વિભાગો આપને ઉપરના હેડર ફોટાની જરાક નીચે સૌથી ઉપરની લાઇનમાં એકસાથે જોવા મળશે.
મોબાઈલમાં : હેડર ફોટાની ઉપર જમણી બાજુ ખૂણામાં આપને ત્રણ લાઇન દેખાશે. એના પર ક્લિક કરતાં બધા વિભાગોના નામનું લિસ્ટ દેખાશે.

કોઈપણ વિભાગ પર ક્લિક કરતાં એ વિભાગની બધી પોસ્ટ એકસાથે જોઈ શકાશે.  

🙏આજ સુધીમાં 1555 અંકની 5313 પોસ્ટ, દોઢ લાખથી વધારે વિઝીટર્સ અને ત્રણ લાખથી વધારે વ્યુઝ સાથે, ‘કાવ્યવિશ્વ’ પાંચ વર્ષ (9.10.2020) પૂરાં કરીને છઠ્ઠા વર્ષમાં પ્રવેશ્યું છે.🙏