🔆ભગીરથ બ્રહ્મભટ્ટ ~ કંઈ વેદઋચાથી🔆

*અજવાળાં લ્યો*

કંઈ વેદઋચાથી બાંધ્યાં રે અજવાળાં લ્યો,
મન તેજ તારલે સાંધ્યા રે અજવાળાં લ્યો.

નાડ નિરખવા, પળ પારખવા, શબદ સમજવા કાજે રે,
પરમ બ્રહ્મનો ભેદ ઉકેલે મનખો મહીંથી માંજે રે..
રે વાદળ ભેદી આવ્યાં રે અજવાળાં લ્યો,
લ્યો સકલ દળો શણગાર્યા રે, અજવાળાં લ્યો.

નાભિજ તણખા નાડી વાટે, નાભિમાં જઈ પહોંચે રે,
વણવાંચેલી વહી વખતની, મીંચી આંખો વાંચે રે,
કૈ તમસ તણખલાં બાળ્યાં રે અજવાળાં લ્યો,
ભૈ સીધી વાટે વાળ્યા રે અજવાળાં લ્યો.

~ ભગીરથ બ્રહ્મભટ્ટ

🌹સૌ કાવ્યપ્રેમીઓને દિપાવલી અને નૂતન વર્ષની અઢળક શુભેચ્છાઓ. આજથી દિવાળીના તહેવારો શરૂ થાય છે અને ‘કાવ્યવિશ્વ’ નાનકડું વેકેશન (વિરામ) લે છે. આપણે તા.26 લાભપાંચમના દિવસે ફરી કવિતાઓ સાથે મળીએ છીએ. ત્યાં સુધી આપની ફુરસદના સમય માટે ‘કાવ્યવિશ્વ’નો ભંડાર ખુલ્લો જ છે. જુદા જુદા વિભાગોમાં આપને જોવા ગમશે.

કાવ્ય 4205
અનુવાદ 94
વારસો (લોકગીતો વગેરે) 40
સંચય (કવિના હસ્તાક્ષરોમાં કવિતા) 73
સર્જક (કવિ પરિચય) 71
સેતુ (કવિઓના કાવ્યસર્જનને લગતા પ્રસંગો) 98
સ્વરૂપ (અછાંદસ, ગઝલ, ગીત, સોનેટ વગેરેને લગતા લેખો)  42
હાઉક (નવો વિભાગ : બાળકાવ્યો) 32
યુવા…હ (યુવાનો માટેનો વિભાગ) 2
હાલરડાં  7

મિત્રો
કમ્પ્યુટરમાં : આ બધા વિભાગો આપને ઉપરના હેડર ફોટાની જરાક નીચે સૌથી ઉપરની લાઇનમાં એકસાથે જોવા મળશે.
મોબાઈલમાં : હેડર ફોટાની ઉપર જમણી બાજુ ખૂણામાં આપને ત્રણ લાઇન દેખાશે. એના પર ક્લિક કરતાં બધા વિભાગોના નામનું લિસ્ટ દેખાશે.

કોઈપણ વિભાગ પર ક્લિક કરતાં એ વિભાગની બધી પોસ્ટ એકસાથે જોઈ શકાશે.  

🙏આજ સુધીમાં 1555 અંકની 5313 પોસ્ટ, દોઢ લાખથી વધારે વિઝીટર્સ અને ત્રણ લાખથી વધારે વ્યુઝ સાથે, ‘કાવ્યવિશ્વ’ પાંચ વર્ષ (9.10.2020) પૂરાં કરીને છઠ્ઠા વર્ષમાં પ્રવેશ્યું છે.🙏