🔆ભીખુભાઈ ચાવડા ‘નાદાન’ ~ આ પાર🔆 -

આ પાર તો હતો જ ને એ પાર પણ ગયો
આ તારો ઇંતેઝાર નજર—બ્હાર પણ ગયો

તારા ગયા પછી તો જીવનસાર પણ ગયો
થોડો ઘણો હતો એ ભલીવાર પણ ગયો

ઢગલો છું રાખ ને ન વિખેરાઈ પણ શકું
નિઃશ્વાસની હવાનો એ સહકાર પણ ગયો

સારા સમયની એકે નિશાની રહી નહીં
આવ્યો સમય બૂરો તો અહંકાર પણ ગયો

તારામાં ઓગળ્યો તો હવે શેષ શું રહે?
મારા ઉપરનો મારો અખત્યાર પણ ગયો

‘નાદાન’ આયનાઓ બદલતા રહ્યા ખૂણા
રૂપરંગ ગુમ હતાં, હવે આકાર પણ ગયો

~ ભીખુભાઈ ચાવડા ‘નાદાન’ (7.9.1934)

suresh parmar

07/09/2025 at 10:13 am

ખૂબ સરસ 🌹👍🙏

છબીલભાઈ ત્રિવેદી

07/09/2025 at 10:21 am

સરસ રચના

દિનેશ ડોંગરે નાદાન

07/09/2025 at 10:28 am

ભીખુભાઈ ચાવડા પરંપરાની ગઝલમાં એક અલગ અવાજ છે. પ્રસ્તુત ગઝલ એનું સાદ્રુશ્ય ઉદાહરણ છે.

પુરુષોત્તમ મેવાડા 'સાજ'

07/09/2025 at 12:24 pm

ખૂબ સરસ ગઝલ, ગમી

🔆ભીખુભાઈ ચાવડા ‘નાદાન’ ~ આ પાર🔆