🔆’અગન’ રાજ્યગુરુ ~ એક દિલ દોર્યું🔆 -

એક દિલ દોર્યું અને મેં ‘તું’ લખ્યું!
પાંપણો પર એ પછી ‘આંસુ’ લખ્યું!

એ તરફની મૌસમોની શું ખબર!
આ તરફ તો રોજ ચોમાસું લખ્યું.

કંઈ લખાઈ ના શક્યું એ પળ વિશે;
જિંદગીભર આમ તો ખાસ્સું લખ્યું!

એમ લાગે છે હથેળી જોઈને;
ભાગ્યમાં જાણે કશું ન્હોતું લખ્યું.

વૈદ્યના અક્ષરસમા છે અક્ષરો;
કેમ વાંચું? આંખમાં તે શું લખ્યું?

એક ચાદર પર લખ્યું કે રાત છે;
એક તકિયા પર અમે સપનું લખ્યું!

જેટલું તારા ઉપર લખતો રહું;
એમ લાગે કે ‘અગન’ ઓછું લખ્યું!

~ અગન રાજ્યગુરૂ

Parbatkumar nayi

07/09/2025 at 10:12 am

વાહ

છબીલભાઈ ત્રિવેદી

07/09/2025 at 10:20 am

વાહ ખુબ સરસ

હરીશ દાસાણી.મુંબઈ

07/09/2025 at 1:10 pm

ખૂબ સરસ ગઝલ

દેવેન્દ્ર રાવલ

07/09/2025 at 3:27 pm

વાહ વાહ વાહ

Anonymous

07/09/2025 at 6:59 pm

આપણે સામા મળ્યા તો શક્ય છે
એક ધબકારો હ્ર્દય પણ ચૂકશે. અગન રાજ્યગુરૂની બન્ને રચના બહુ સરસ છે.

🔆’અગન’ રાજ્યગુરુ ~ એક દિલ દોર્યું🔆