🔆અશોક ચાવડા ~ વાડ અંદર પણ વાડ🔆 -

વાડ

વાડ અંદર પણ વાડ
આ તે કેવી દુનિયા, કેવો મોટપણાનો હાઉ

મારાથી કોઈ અભડાતું ને હું ય વળી અભડાઉં
હાથ મિલાવ્યા ઉપરછલ્લા ભરી મને ગંદવાડ
વાડ અંદર પણ વાડ

મુઠ્ઠીભર અજવાળાં માટે કરતાં શગની ખેંચ
પગદંડી પણ શરમાતી જોઈ આ પગની ખેંચ
શાણો માણસ કોઈ દિવસ ન પાડે ઘરમાં ધાડ
વાડ અંદર પણ વાડ

~ અશોક ચાવડા ‘બેદિલ’
(ડાળખીથી સાવ છૂટાં, પ્રતિબદ્ધ કવિતાસંગ્રહ, 2012, 2014, 2017)

આપણા ખૂબ જાણીતા કવિ અશોક ચાવડા ‘બેદિલ’ નું ગૌરવ. વર્ષ 2023ના ગુજરાતી ફિલ્મોના પુરસ્કારોમાં કવિ શ્રી અશોકભાઈને શ્રેષ્ઠ ગીતકારનો એવોર્ડ જાહેર થયો છે. આ ફિલ્મ છે ‘સંબંધોમાં ખાલી જગ્યા’ અને ગીત છે ‘એ જિંદગી સંગ ચાલી’

કવિ જામનગરની ગુજરાત આયુર્વેદ યુનિવર્સિટીના આસિસ્ટન્ટ રજીસ્ટ્રાર તરીકે ફરજ બજાવે છે. આ ઉપરાંત કવિને ભારત સરકાર તરફથી ‘સાહિત્ય અકાદમી યુવા પુરસ્કાર-2013, તથા ગુજરાત સરકાર તરફથી દાસી જીવણ પુરસ્કાર-2013-14 પણ પ્રાપ્ત થયેલ છે.

‘કાવ્યવિશ્વ’ તરફથી કવિશ્રીને અઢળક અભિનંદન.

🙏🏻આપ ‘કાવ્યવિશ્વ’ના નિયમિત મુલાકાતી છો. આપ આ સાઇટ subscribe કરો એવી અપેક્ષા. જો અગાઉ આપે subscribe કર્યું હશે તો ‘કાવ્યવિશ્વ’ના આ નવા સ્વરૂપમાં આપ ફરી subscribe કરશોજી. ઉપર જ જમણી બાજુ subscribe લખ્યું છે ત્યાં ક્લિક કરતાં ઈમેલ લખવાનું ઓપ્શન મળશે. આભાર🙏🏻

Anonymous

22/08/2025 at 9:13 am

કવિને ખૂબ ખૂબ અભિનંદન અને શુભેચ્છાઓ 💐
પ્રસ્તુત રચના બહુ સુંદર છે 👏

છબીલભાઈ ત્રિવેદી

22/08/2025 at 9:49 am

ખુબ ખુબ અભિનંદન બન્ને રચનાઓ ખુબ સરસ અભિનંદન

Praful Pandya
24/08/2025 at 11:00 am

કવિશ્રી અશોક ચાવડા ” બેદિલ” ને શ્રેષ્ઠ ગીતકારનો એવોર્ડ મેળવવા બદલ હાર્દિક અભિનંદન ! ખૂબ ખૂબ શુભેચ્છાઓ !
પ્રફુલ્લ પંડ્યા

Loading...