ચંદ્રકાંત શેઠ ~ હું મને ગમતો નથી

🥀🥀

હું મને ગમતો નથી, તમને ગમું છું?
જલ વિનાનો કૂપ છું, તમને ગમું છું?

પથ્થરોના હાડથી ઊંચો થયો,
સાવ સુક્કો પહાડ છું, તમને ગમું છું?

જિંદગીભર ચાલતાંયે ના પૂગું,
હું દિશાહીન માર્ગ છું, તમને ગમું છું?

ભવ્યતા મારી વખાણે છે ઘણાં,
મૂળમાં વેરાન છું, તમને ગમું છું?

કેટલા તારા ભીતરમાં તગેતગે!
બદ્ધ હું અંધાર છું, તમને ગમું છું?

રાત દી’ કેવો અજંપો ઉછળે!
જીવ દરિયાનો જ છું, તમને ગમું છું?

મેઘ બારે વરસતાં કંઈ ના બને!
હું બળેલું બીજ છું, તમને ગમું છું? .

~ ચંદ્રકાન્ત શેઠ (3.2.1938 – 2.8.1924)