કોની વાતે
કોની વાતે તું ભરમાઈ ?
કોણ કબૂલે એ સચ્ચાઈ ?
હું ઝાકળ છું, તું આંસુ છે,
તારે મારે શી સરસાઈ ?
કોણ છૂટું પડતું કોનાથી,
વાત મને એ ના સમજાઈ.
આ તો તેજ વગર બળવાનું,
એનું નામ જ અખ્ખર ઢાઈ.
જળનાં ટીપાં જેવી યાદો,
વધતાં વધતાં થૈ દરિયાઈ.
હોય ન જ્યારે પણ તું સાથે,
હાથવગી મારે તન્હાઈ.
મારે બદલે યાદ મને તું,
મારે બીજી કઇ અખિલાઈ ?
~ રવીન્દ્ર પારેખ
જળના ટીપાં જેવી યાદો, વધતાં વધતાં થૈ દરિયાઈ…. બધા જ શેર સરસ પણ આ વિશેષ ગમ્યો…
કોઈના સ્મરણમાં જાત ભૂલી જવાય એ કેટલું મોટું સુખ….
@@