‘બેજાન’ બહાદુરપુરી ~ મને સાથ એનો
મને સાથ એનો ~ ‘બેજાન’ બહાદુરપુરી
મને સાથ એનો મળ્યો છે સદાનો
કહો કેટલો પાડ માનું વ્યથાનો !
કહે છે હૃદય : સાવ નિર્દોષ છે તું
પછી હોય શો ડર ગમે તે સજાનો !
કબૂલીશ એ વાત ક્યારેક તું પણ
નથી માનવી હું ય નાના ગજાનો
પછી શું થયું એ ન પૂછે તો સારું
નથી અંત હોતો સદા હર કથાનો
સતત કોઈ દોરે અને દોરવાવું !
કરો અંત ‘બેજાન’ એવી પ્રથાનો.
~ ‘બેજાન’ બહાદુરપુરી
પ્રથમ તો ઉત્તમ ! અને લગભગ તમામ શેરની તારીફ કરવી પડે, વાહ કવિ
પ્રતિભાવો