પન્નાલાલ પટેલ ~ દરિયાવ, દાબી દે

🥀🥀

દરિયાવ, દાબી દે અણિયાળી આંખો,
ઢાળી લે પોપચાંની પાંખો
જીરવી ના જાય
ઝેરીલી જીરવી ના જાય !

દરિયાવ, ઢાંકી લે છાતડિયે છેડો,
તાણી દે કાપડની કોહી
ઝાલ્યો ના જાય
જીવડો ઝાલ્યો ના જાય ! 

દરિયાવ, વે’તરી ના મેલ્ય વેણો,
આંટી દે અંબોડે ફેણો
મનખો રોળાય
મજનો મનખો રોળાય!

દરિયાવ, રેવા દે લચકાતો લે’કો
મેલી કે મોરલાની ગે’કો
કાળજાં કોરાય
કુમળાં કાળજડાં કોરાય !

~ પન્નાલાલ પટેલ

પન્નાલાલ પટેલને આપણે એક અઠંગ વાર્તાકાર તરીકે જ જાણીએ છીએ. પણ જુઓ આ એમનું ગીત….