ચત્રભૂજ દોશી ~ ઘૂંઘટે ઢાંક્યું રે * સ્વર લતા મંગેશકર  

ઘૂંઘટે ઢાંક્યુ રે એક કોડિયું
હું તો નીસરી ભરબજાર જી
ઘૂંઘટે ઢાંક્યુ રે એક કોડિયું

લાજી રે મરું મારો સાહ્યબો ખોવાણો
કોને કહું આવી વાત જી રે
ઘૂંઘટે ઢાંક્યુ રે એક કોડિયું

ટોડલે ટોડલે મેં તો તોરણ બાંધ્યા
મારી મેડીયું ઝાકઝમાળ જી
જોબન ઝરુખે રૂડી ઝાલર્યું વાગે
ઝાંઝર ઘૂંઘરમાળ જી
ઘૂંઘટે ઢાંક્યુ રે એક કોડિયું

રાત ઢળીને ઘેરા ઘડિયાળાં વાગ્યા
અને પ્રાગડના ફૂટ્યા દોર જી
તો ય ન આવ્યો મારો સાહ્યબો સલૂણો
જાગી આઠે પહોર જી
ઘૂંઘટે ઢાંક્યુ રે એક કોડિયું…

~ ચતુર્ભુજ દોશી

ફિલ્મ ~ મહેંદી રંગ લાગ્યો(૧૯૬૦)

સ્વર – લતા મંગેશકર * સંગીત – અવિનાશ વ્યાસ