🥀🥀
ભલેને એક પાંદડુંય પણ હલે નહીં,
પવનને સ્થિરતા જરાય પાલવે નહીં.
વિકલ્પ અન્ય કોઈ હોય તો બતાવ તું,
નદી સમુદ્રમાં કદાચ તો ભળે નહીં !
કુમાશ એટલી હદે તું લાવ સ્પર્શમાં,
લજામણીય સ્હેજ પણ ઢળી પડે નહીં.
અસંખ્ય દીપ પાથરે ઉજાસ આભમાં,
છતાંય અંધકારની કલા ઘટે નહીં !
હજાર દાખલા દલીલ કાં ન આપ તું,
ન માનવાનું વ્રત હશે તો માનશે નહીં.
~ જયંત ડાંગોદરા
પ્રથમ અને ત્રીજા શેરમાં ‘નહીં’ શબ્દની કળા અને રમણા નોંધનીય છે ! કુમાશની સરહદ ક્યાં જઈને પહોંચે છે ! વાહ કવિ !
Thank you so much lataben
વાહ જયંતભાઈ બંને ગઝલ મજાની.
પટોળામાં ભરેલી ભાત જેવી રાત હાજર છે,
ત્વચામાં કંઈક ગમતા સ્પર્શનો વૃત્તાંત હાજર છે. સરસ રચનાઓ.
સરયૂ પરીખ