🥀🥀
ફૂટપાથે સુતેલા ભૂખ્યા કોઈ બાળકની આંખો પર ધ્યાન કદી દેજો
છાતીના મૂળ સુધી એની એ ભૂખ પછી તમને ના વાગે તો કહેજો
ફૂટપાથે સુતેલા ભૂખ્યા કોઈ બાળકની આંખો પર ધ્યાન કદી દેજો
ઈંટ અને સિમેન્ટે ભીતો બંધાય એમ લાગણીઓ થોડી બંધાય છે
ભીતેથી પોપડા ખરે ને એમ રોજ અહીં માણસ પણ જર્જરિત થાય છે
ડામરના રસ્તા પર કાળીધબ ઈચ્છાના એકલા નિસાસા ના લેજો
ફૂટપાથે સુતેલા ભૂખ્યા કોઈ બાળકની આંખો પર ધ્યાન કદી દેજો
સૂરજ ડૂબે ને પછી ટળવળતી સાંઝ રોજ ટોળે વળી ને મૂંઝાય છે
અહીં નાનકડા રોટલાનો ટુકડો પણ માણસની આંખોનું સપનું થઇ જાય છે
કાચ સમી જિંદગીને સાચવતા માણસનાં આંસુની ધાર કદી સહેજો
છાતીના મૂળ સુધી એની તરસ પછી તમને ના વાગે તો કહેજો
~ તેજસ દવે
છેલ્લી લાઇન વાંચો….. વાગી ન જાય તો કહેજો
સકળ રચના ખૂબ ખૂબ સરસ.
વાહ તેજસ ખૂબ સુંદર રચનાઓ. ગીતની ભાવાભીવ્યક્તિ અદભૂત.
ફૂટ પાથે સૂતેલા
જઠરાગ્નિ કાવ્યની યાદ આવી
વાહ, વાહ, ખૂબ જ અછૂતી જિંદગીની વેદનમય રજૂઆત.
સામાજિક સંદર્ભના ગીત તથા ધારદાર કટાક્ષ યુકત ગઝલ મજાના.
આદરણીય લતાબહેન આપનો ખૂબ ખૂબ આભાર…
આનંદ આનંદ ભાઈ
પહેલું ગીત કાવ્ય ખૂબ ચોટદાર… બીજા કાવ્યો પણ એકંદરે સરસ… પણ ગઝલ બહું અસર કરતી નથી…!