🥀🥀
*આદમ ઈવનું પહેલું ચુંબન*
ઉત્સવ આંસુ, સપનાં ડૂમો; આદમ ઈવનું પહેલું ચુંબન!
આદમિયતનો છે તરજુમો; આદમ ઈવનું પહેલું ચુંબન!
નભ થલ વાયુ જલ અગ્નિના; પંચ પ્રસવના નાદ પછીની-
ઈશ્વરિયતની અંતિમ બૂમો, આદમ ઈવનું પહેલું ચુંબન!
એક ઈશિતા ફૂંક પછીની જિજ્ઞાસા ને ઈપ્સાઓનો,
પહેલો અગ્નિ, પહેલો ધૂમો; આદમ ઈવનું પહેલું ચુંબન!
કંઈક અલૌકિક અવતારો ને કંઈક પરમ પદ બુદ્ધ-ફકીરો,
માટીમાંથી મોતી લૂમો! આદમ ઈવનું પહેલું ચુંબન!
નિજ દર્પણમાં ઝાંકી જોજો બિંબો સરખાં મળશે કાયમ,
તારું મારું ને સૌનું મોં, આદમ ઈવનું પહેલું ચુંબન!
~ કાયમઅલી હઝારી (23.12.1943 )
ખૂબ સરસ ત્રણ ગઝલ
જિગરના ખૂન માં બોળી મશાલો
પાંદડાં ઓ ની વ્યથા
વિશેષ ગમ્યા
વાહ…વાહ…
મૃગજળની માયા છોડીને….અને , પાંદડાંઓની વ્યથા…રચનાઓ
વિશેષ ગમી.
આનંદ થયો. ધન્યવાદ
વિજો
વાહ.. સકળ રચના ખૂબ સરસ..
All Terrific Great : Full of punch lines
આદરણીય કવિ શ્રી કાયમ હજારી ની રચનાઓ/ગઝલો ખૂબ જ માનનિય છે. આનંદ.