*સલાહ*
જીવવું છે? તો સખણો રહીને જીવ,
પાડ મા વાંધાવચકાં રે….
ઝાડ હોય તો ફૂલો યે આવે, થાય
કુહાડીથી યે ટચકા રે….
ઘડીઘડી ના તોળ્યા કર લાગણીઓ સાથે જીવને,
લોહીમાં તિરાડ પડે તો બખિયા મારી સીવને !
નવી જ નિસબત ઘડ આમાંથી, લે
સગપણના લોચાલચકા રે….
સપનું હોય તો ભાંગે એનું વળતર તું કાં માગે?
ઠેસ વાગતાં આખો રસ્તો ગાળસમાણો લાગે?
જેવી છે તેવી સૃષ્ટિને ચાહ ન ભર, લોઢાંને બચકાં રે….
~ રમેશ પારેખ
🥀 🥀
ટેકનીકલ પ્રોબ્લેમ હોવાને કારણે આ સાઇટ તા.23 થી 28 અપડેટ નથી કરી શકાઈ. ક્ષમા.
સરસ ગીતોની પસંદગી. કવિ શ્રી ર.પા. ને સ્મૃતિ વંદન.