🥀 🥀
*નકાર કોઈનો*
વિવેકસર નકાર પણ કરી શકાય કોઈનો
બહુ સરળ રીતેય થઈ શકે ઉપાય કોઈનો
સહજપણે જ બેઉં હાથ, હાથમાં ગ્રહી અને
ખરે વખત મળ્યાંનો પાડ વ્યક્ત થાય કોઈનો
સજી-ધજી એ નીકળે ને લાખ વાનાં છો કરે
હો કોઈનો વિકાસ ચિત્ત, માત્ર કાય કોઈનો
તું તારા કારણે જ અધવચાળ આખડ્યો છે દોસ્ત!
જમીને પગ નથી, ન હાથ છે જરાય કોઈનો
સ્વયંના અંધકારને સ્વયંભૂ જીરવી જવાય
ન આપણાથી દીવડો કદી ઠરાય કોઈનો
જે આરપાર નીરખે એ દૃષ્ટિને હજો સલામ
ને દૃશ્ય એ મળો કે જીવ ના ધરાય કોઈનો
હો ભ્રમ ઉછેરવાનો શોખ એ ભલે ભ્રમિત રહે
છે સૌને જાણ કે નથી જ કોઈ રાય કોઈનો
~ સંજુ વાળા
‘કોઈનો’ રદ્દીફ લઈને આવતી આ ગઝલ વિષયને જોઈએ તો સરળ રીતે જીવવાના કેટકેટલા રસ્તા બતાવે છે !
‘ના’ પાડવાની નબળાઈ ઘણામાં હોય ત્યારે ‘વિવેકસર’ની ફૂટપટ્ટી કહેનાર પકડે અને ‘આમન્યા’ની સમજ સાંભળનાર દાખવે તો રસ્તો સરળ ને સાફ….
એવી સરસ વાત આભાર માનવાની ! ડગલે ને પગલે ‘થેંક્યું’ કે ‘થેંક્સ’ ફેંકનાર, એકપણ શબ્દ વગર પ્રેમથી કોઈના બે હાથ પકડી આભારવશ નજરની કિંમત ક્યાંથી સમજે ?
અને વાહ કહેવું જ પડે ને આના માટે ! – ‘સ્વયંના અંધકારને સ્વયંભૂ જીરવી જવાય, ન આપણાથી દીવડો કદી ઠરાય કોઈનો’
***
ટેકનીકલ પ્રોબ્લેમ હોવાને કારણે આ સાઇટ તા.23 થી 28 અપડેટ નથી કરી શકાઈ. ક્ષમા.
દરેક પંકિત પર આફરીન થઈ જવાય એવી કવિતાઓ
ધન્યવાદ
ફરી ધન્યવાદ
આનંદ આનંદ સંજુભાઈ.
વાહ વાહ ને વાહ જ
કવિ શ્રી સંજુ વાળાની ઉત્તમ કૃતિઓ માણવા મળી એનો ખૂબ આનંદ.
ખૂબ ખૂબ આભાર મિત્રો
બધી રચનાઓ સરસ!
કવિ શ્રી સંજુ જીની સુંદર ગઝલો, ગીત.
કાંઇ ઘટે નહીં…અદ ભુત…!