🥀🥀
*સાંભળું*
એક તારો સ્વર મળે તો સાંભળું,
ક્યાંય પણ ઇશ્વર મળે તો સાંભળું.
કોસનો કલવર ને તારું ટહૂકવું,
આપણું ખેતર મળે તો સાંભળું.
પાતળી રેખા સમજની છે છતાં,
મર્મના અક્ષર મળે તો સાંભળું.
સાદ ગોરંભાય છે શમણા રૂપે,
પાછલી ઉમ્મર મળે તો સાંભળું.
એક વિતેલા સમયની વારતા
નાનું સરખું ઘર મળે તો સાંભળું.
~ સુરેન ઠાકર ‘મેહુલ’ (30.7.1942 – 27.7.2022)
જન્મદિને કવિને સ્મૃતિવંદના
વાહ, સુરેન ઠાકર ‘ મેહુલ ‘ જીની બન્ને ગઝલો ખૂબ ગમી.ખૂબ અભિનંદન.
સરસ રચનાઓ 👌🏻👌🏻
વાહ, ગઝલો સુંદર, અભિવ્યક્તિ સરસ. સ્મૃતિ વંદન.
સ્મરણ વંદના..