સંબંધ
તમે પાંખો કાપી ને આભ અકબંધ રાખ્યું,
ને એનું તે નામ તમે સંબંધ રાખ્યું.
મારા સઘળાં દુવારને કરી દીધાં બંધ,
ને આમ તમે આંખોને કરી દીધી અંધ.
તમે કાંટાળા થોરનો આપ્યો મને સ્પર્શ,
ને એનું તે નામ તમે સુગંધ રાખ્યું.
હું તો વહેણમાં તણાઈ મને કાંઠો નથી,
ને આપણા સંબંધની કોઈ ગાંઠો નથી.
અછાંદસ જેવો છે આપણો આ પંથ,
ને એનું તે નામ તમે છંદ રાખ્યું.
~ પન્ના નાયક
ઉદાસી, વેદના અને ફરિયાદ…. પ્રેમમાં આ અનિવાર્ય તબક્કો છે એવું નથી લાગતું ?
પ્રિય પન્નાબહેનને જન્મદિનની વંદન સહ શુભકામનાઓ
કવયિત્રી પન્નાબહેનને જન્મ દિવસની સુકામનાઓ.
સ્ત્રી સંવેદનાની ચરમસીમા અનુભવાય એવા કાવ્યો છે. શુભેચ્છાઓ.
અતિ સુંદર રચનાઓ ખૂબ ખૂબ અભિનંદન
પન્નાબેનની બંને રચનાઓ કાવ્યાનંદનો ઉત્તમ અનુભવ આપે છે.જનમદિવસ પ્રસંગે અભિનંદન તથા શુભેચ્છાઓ.