પ્રફુલ્લ પંડ્યા ~ ગીતોનું ગીત * Prafull Pandya
ગીતોનું ગીત આજે ગાયું
– કે ભાઈ અમે ગીતોનું ગીત આજે ગાયું !
ઝાડ ઉપર બેઠેલાં પંખીને સપનામાં નવું નવું સંગીત સંભળાયું !
– કે ભાઈ અમે એક નવું બીજ આજ વાવ્યું !
ગીત તો અમારું કોઈ પંખીની પાંખભરી, ઉડ્યું ને લહેરાયું આભમાં ,
આભને થયું કે આ તો સાવ નવી દુનિયા છે, જોવા જેવી ને વળી લાભમાં !
આકાશે આકાશે ગૂજયું જે ગીત, પછી મેધધનુ થઈને છવાયું !
પછી આકાશના અર્થોની પાસે જઈને ગીત બોલ્યું કે સાવ નવાં વસ્ત્રો પહેરીને અમે આવ્યાં!
શબ્દોની ચાખડીઓ પહેરીને સંતો પણ ભાવ અને ભાષાને સત્કારવા ફુલોને લાવ્યાં !
પછી સજીધજીને થયો નવલો શણગાર, નવા રૂપોનું મંદિર સર્જાયું !
– કે ભાઈ અમે ગીતોનું ગીત આજે ગાયું !
~ પ્રફુલ્લ પંડ્યા
ગીતમાં વિષયોની દૃષ્ટિએ તેઓ અનન્ય છે.
સરસ રચનાઓ ખુબ ગમી
પ્રિય લતાબેન, ગીત અને નાવિન્ય વિશે આજે જ્યારે વ્યાપક ચર્ચા છે ત્યારે મારા અને કવિશ્રી કૃષ્ણ દવેના વિશિષ્ટ વિષયવસ્તુ સાથેના ગીતો ” કાવ્ય વિશ્વ” માં રજૂ કરીને આપે એક મહત્ત્વનો સંપાદકીય ઉપક્રમ દાખવ્યો છે તે બદલ
હાર્દિક અભિનંદન ! કવિતાના સ્વરૂપગત વળાંકો અને પરિવર્તનોમાં સંપાદકોની ભૂમિકા ખૂબ જ મહત્વની હોય છે !
ખૂબ ખૂબ આનંદ સાથે આભાર !
પ્રફુલ્લ પંડ્યા
બસ રસ્તો જે સુઝાડે એમ કામ કર્યે જાઉં છું…. આભાર
કવિ શ્રી પ્રફુલ્લ પંડ્યા, મારા ગમતા કવિ છે. શબ્દો ને બખૂબી વાપરનારા છે.
વાહ…👌👌