🌹દિનવિશેષ 15 જૂન🌹

દર્પણના રણમાં ભટકું છું,
સામે છું’ ને હું શોધું છું.

નગર નગર દાંડી પિટાવો,
જંગલનો મારગ પૂછું છું.

પથ્થરના ઢગલાની માફક,
હું ય સૂતેલો ક્યાં જાગું છું !

ઇચ્છાઓની કાવડ લઈને,
હોવાનો બોજો ઉંચકું છું.

ઇન્દ્રધનુષ્યો ભૂંસી નાખો,
મારો શ્રાવણ હું ચીતરું છું.

~ શ્યામ સાધુ

🌹દિનવિશેષ 15 જૂન🌹

*આમ, તું ના હોય તો ગમતું નથી, પણ હૃદય જિદ્દી છે, કરગરતું નથી ~ અંજના ભાવસાર

*પોઢી ગઈ છે પીડા એનો કાંકરીચાળો ન કર ; ઉઠે સફાળું દર્દ,એવો કાંકરીચાળો ન કર. ~ ભારતી વોરા ‘સ્વરા

*તમારી આંખ સાત કોઠા છે, ગયા, તો ક્યાં અવાય છે પાછું. ~ મકરંદ મુસળે

*ટીપુંય આભથી હવે પડશે નહીં ‘કરીમ’, શબ્દોના સૂર્યમાં હવે એકે કિરણ નથી ! ~ અબ્દુલકરીમ શેખ

*દ્વાર સામે ઝૂરતી પીળાશ છે; સ્હેજ દરવાજો ઉઘાડો, તો ખરા. ~ ‘પથિક’ પરમાર

🙏 *‘કાવ્યવિશ્વ’ની મુલાકાત લેવા બદલ આભાર*🙏

www.kavyavishva.com

*કાવ્યવિશ્વ.કોમ * પ્રારંભ 9 ઓક્ટોબર 2020*

*આપનો જન્મદિન આપની કાવ્યપંક્તિ સાથે ‘કાવ્યવિશ્વ’માં ન હોય તો મને આપના નામ, નંબર અને કાવ્યપંક્તિ સાથે જણાવશો. આપનું નામ ‘શોધો’માં લખવાથી એ મળી જશે.*

*’કાવ્યવિશ્વ’ના વોટ્સ એપ ગ્રૂપમાં આપ જોડાઈ શકો છો.

*આ વિભાગ હવે ‘કાવ્યવિશ્વ’માં અલગ પેજ બનવાથી સચવાઈ રહે છે. આપ એને like, પ્રતિભાવી શકો છો. આભાર.