જગદીશ જોષી ~ આપો Jagdish Joshi
અણગમતું આયખું લઈ લ્યોને, નાથ ! મને મનગમતી સાંજ એક આપો :
કે ક્યારનો મૃગજળમાં ઝૂરતો તરાપો
ખરી પડ્યાં પાંદડાંને હાથમાં લઈને મેં આંખોમાં રોપ્યું એક ઝાડ
પંખીનાં લાડ કદી નીરખ્યાં નથી કે નથી સાંભળ્યો મેં નભમાં ઉઘાડ
થીજેલાં જળમાં આ સૂતેલી માછલીને અર્જુનનો મત્સ્યવેધ આપો…….
મને આપો એક સાંજ, મને આપો એક રાત મને આપો એક એવો આશ્લેષ
ફરફરવા લાગે આ સાતસાત જન્મોના તાણીને બાંધેલા કેશ !
મારાથી સાવ મને અળગી કરીને નાથ, કાયમની કેદ મને આપો !
~ જગદીશ જોષી
વાહ.. ખૂબ સરસ
ખૂબ સુંદર ભઆવઆભઇવ્યક્તઇ. અભિનંદન.
Oh This is a Real Poem May be echoing someone feelings
ખૂબ જ સરસ પ્રાર્થના જેવું ગીત.
વાહ ખુબ સરસ રચના ખુબ ખુબ અભિનંદન
મૃગજળમાં ઝૂરતા તરાપા જેવા આયખાનું ગીત સરસ છે.