કે આભમાં તોરણ બંધાણાં ત્રિલોકનાં રે
તારલીઓ ટોળે વળી નભચોક!
કે આભમાં તોરણ બંધાણાં ત્રિલોકનાં રે
કે ચંદનીએ વેરેલ તેજનાં ફૂલડાં રે
કે ફૂલડાંની ફોરમ ઝીલે નરલોક:
કે આભમાં તોરણ બંધાણાં ત્રિલોકનાં રે
કે વ્હાલમની વિલસે વ્હાલપની આંખડી રે
કે એહવું વિલસે ચન્દ્ર કેરું નેણ:
કે આભમાં તોરણ બંધાણાં ત્રિલોકનાં રે
કે કિરણે કિરણે અમૃત દેવનાં રે
કે એહ જળે હું ય ભરું હૈયાહેલ;
કે આભમાં તોરણ બંધાણાં ત્રિલોકનાં રે
~ કવિ ન્હાનાલાલ
કવિનો આજે જન્મદિવસ. એમની ચેતનાને વંદન.
કાવ્ય : કવિ ન્હાનાલાલ * સ્વરકાર : અમર ભટ્ટ * સ્વર : ગાર્ગી વોરા અને હિમાલી વ્યાસ નાયક
સૌજન્ય : કાવ્યસંગીત: મનનો રવિવાર ને એકાન્તનો શણગાર
વાહ…કવિની અદ્ભુત ગીતરચના..સુન્દર સ્વરગૂથણી ને ગાર્ગી બિમારીના મધુર કંઠ….
ખૂબ જ સરસ ગીત, સ્વરાંકન અને ગાયન.
કવિની અનુભૂતિનું આકલન ના થઇ શકે.