ભારતી ગડા ~ યંત્ર છે કે

પૂછાતું નથી ~ ભારતી ગડા

યંત્ર છે કે માનવી, બસ એ જ સમજાતું નથી;

બેઉમાંથી એકનું પણ ચિત્ર દોરાતું નથી.

દોડવાનું, ભાગવાનું, હાંફવાનું છે સતત;

કોઈને પણ ‘કેમ છો’ એવુંય પૂછાતું નથી.

કેટલો ઘોંઘાટ કોલાહલ ભરેલું શહેર છે

ચોતરફ બસ ભીડ છે સામું ય જોવાતું નથી.

રાત દી ત્યાં લાલ લીલી લાઈટો ઝબક્યા કરે,

જલકમલવત્ સૌ, હ્દય જેવું ય દેખાતું નથી.

બસ ખરીદી લો હવા પાણીને સાથે પ્રેમ પણ

આંખમાં આંસુ ઠરે છે બહાર ઉભરાતું નથી.

~ ભારતી ગડા

આજની પરિસ્થિતિ અને સંવેદના…..