ઘણી વાર દ્વારે ટકોરા પડે છે
હવાના નથી ને એ જોવા પડે છે.
વધુ પડતા જ્ઞાની થવાથી તો માણસ
સ્વયંમાં જ ક્યારેક ખોટા પડે છે.
ખબર છે તું એનાથી રોકાઈ જાશે,
ને આંસુઓ ત્યારે જ મોડાં પડે છે.
હવેના સંબંધો વિશે તો છે એવું,
જરૂરતના ટાણે જ મોળા પડે છે.
તમે લાગણીની જરા છાંટ નાખો,
તમારાં તો આંસુય કોરાં પડે છે.
કરે વાત ‘વેદાંત’ ચુંબનની જ્યારે,
આ ભમરા બધા કેમ ભોંઠા પડે છે?
~ વિપુલ માંગરોલિયા ‘વેદાંત’
પ્રથમ શેર જ ખેંચી લે એવો. ભણકારા વાગવાની વાત કવિએ કેટલી કાવ્યાત્મકતાથી કહી છે ! તો આંસુની વાત લઈને આવેલા બંને શેર દિલમાં વસી જાય એવા. એકંદરે બધા જ શેર સરસ.
*****
વિપુલ માંગરોળિયા ‘વેદાંત’ ~ ઈર્ષાથી સળગે છે આખો
ઈર્ષાથી સળગે છે આખો,
કોઈ તો માણસને ઠારો.
શેકાયો ખુદની ગરમીથી,
સૂરજને વાદળ ઓઢાડો.
કરવી છે સાચ્ચે સેવા તો,
ઘરડાઘરને તાળાં મારો.
આપણને બાકોરું લાગે,
પંખીનો થાશે ત્યાં માળો.
ભીંતોનો તો દોષ જ ક્યાં છે,
આરોપી છે મનનો ગાળો.
ખરતા તારે સૌ કોઈ ધારે,
ધારું હું ને ખરશે તારો.
દિલ તો એની સાથે ચાલ્યું,
નજરુંને તો પાછી વાળો.
~ વિપુલ માંગરોલિયા ‘વેદાંત’
વાત ભલે એની એ પણ પહેલો શેર એ જુદી અદાથી લઈને આવ્યો છે. એવું જ કંઈક છેલ્લા શેરનું. સૌથી વધારે ગમી ગયો, ‘આપણને બાકોરું લાગે, પંખીનો થાશે ત્યાં માળો’ કેવી સલૂકાઈથી આવી સરસ વાત કહેવાઈ છે. આ વાતમાં નિરીક્ષણ અને પંખી માટેનો પ્રેમ બંને સમાયા છે.
કવિ વિપુલ માંગરોળિયા ની ગઝલ “ઘણી વાર ” ના પ્રથમ અને બીજો શેર વધુ ગમ્યો…
તેમજ બીજી ગઝલ સરસ છે.
અભિનંદન.
વાહ ..વિપુલભાઈ ખૂબ સરસ …
Very Very impressive 👏 👌 👍
હવાના ટકોરા વાહ!
બધા જ શેર સરસ
વાહહહ
બેઉ મસ્ત ગઝલો..
Nice gazal
દ્વારે ટકોરા, પંખીનો માળો ઉત્તમ.
ખૂબ સુંદર ગઝલો
બંને ગઝલ સરસ…
કોરાં આંસુ અને દિલ તો એની સાથે ચાલ્યું- હાંસિલે ગઝલ…
આંસુઓ મોડા પડે… Waaaah
બંને ગઝલ ખૂબ જ સરસ
કવિ વિપુલ માંગરોળિયાની બન્ને ગઝલ રોચક અને રસપ્રદ છે.
અભિનંદન..
ઘણી વાર..ગઝનો બીજો શેર વધુ ગમ્યો.
ખૂબજ સરસ બંને ગઝલો, બીજી ગઝલમાં ટૂંકી બહેરમાં સરસ રચના.
બન્ને ગઝલો સરસ છે.
Waah waah
નાના શેરમાં શેર જેવી ગર્જના છે
આજની પેઠીને સીધે સીધો જવાબ છે
તમારી વાત કડવી પણ સાચી છે
વાહ વેદાંત તમને સો ટોપની સલામી છે
NICE…
Khaub saras
Vahh Vedant khub sundar ghazal
વાહ વેદાંત ખૂબ જ સરસ ગઝલ
બન્ને રચનાઓ અદભુત..ઇર્ષાદ..
Vaah
Banne gazal saras
બંને ગઝલો દ્વારા કવિનો વિશેષ અંદાજ અભિવ્યક્ત થાય છે.હવાના ટકોરા આવનારા સમયના ભણકારા કવિને સંભળાતા હોય એવોય નિર્દેશ ન હોઈ શકે?
બંને ગઝલ ખૂબ મજાની.
આપ સૌનો ખૂબ ખૂબ આભાર