રેખા ભટ્ટ ~ ચંચળ છોકરી * Rekha Bhatt

15/12/2023

એક પતંગિયા શી ચંચળ છોકરી ~ રેખા ભટ્ટ

એક પતંગિયા શી ચંચળ છોકરી,

જાણે ખળખળ વહેતું ઝરણું,

જાણે મઘમઘતી જૂઈ

જાણે છૂઇમૂઈ

સપનાં પરોવતી જાગતી આંખે

હિંડોળે ઝૂલતી

એક દિવસ રાજકુમારની સાથે ઊડે

પાંખાળા ઘોડા પર બેસીને……

ધીમે ધીમે

હિંચકાનો લય ધીમો પડતો જાય

ગીતનું ગૂંજન વિરમતું જાય

પાંખો બિડાય

એક છોકરી

જાતે કોશેટો ગૂંથતી ગૂંથતી

ઈયળ બની જાય…

~ રેખા ભટ્ટ

આ દાસ્તાન સદીઓથી અને કદાચ સદીઓ સુધી….. જુદા જુદા સ્વરૂપે એ પ્રગટતી જ રહેશે !!!!

OP 8.3.22

છબીલભાઇ ત્રિવેદી 09-03-2022

રેખા ભટ્ઠ ની રચના ખુબ સરસ મહિલા તો શકિત નો અસ્ખલિત પ્રવાહ છે

સાજ મેવાડા 08-03-2022

કોશેટોની ઈયળ પછી ભમરી ના બની જાય?