પન્ના નાયક ~ માતૃભાષા * Panna Nayak
જે ભાષામાં સપનાં આવે ~ પન્ના નાયક
આપણને
જે ભાષામાં સપનાં આવે
એ
આપણી માતૃભાષા.
મને
હજીય ફિલાડેલ્ફીઆમાં
સપનાં
ગુજરાતીમાં આવે છે.
પણ
મારી આસપાસના
ગુજરાતીઓ
ઉમાશંકરની છબિ જોઈને
સતત પૂછ્યા કરે છે :
‘આ કોની છબિ છે ?’
અને
મારું સપનું નંદવાઈ જાય છે.
(સપનાંનાં હૈયાંને નંદવામાં વાર શી?)
~ પન્ના નાયક
માતૃભાષામાં સપનાં આવે એવી આ છેલ્લી પેઢી તો નહીં હોય ને ! એની કાળજી આપણા સિવાય કોણ રાખશે ????
OP 1.5.22
આભાર
06-05-2022
આભાર છબીલભાઈ અને મેવાડાજી
‘કાવ્યવિશ્વ’ની મુલાકાત લેનારા સૌ મિત્રોનો આભાર.
સાજ મેવાડા
02-05-2022
સચોટ માતૃ ભાષા પ્રેમ અને સાંપ્રત વેદના, હ્રદયસ્પર્શી રચના.
છબીલભાઈ ત્રિવેદી
02-05-2022
પ્રતિભાવો