પાપ તારું ~ લોકગીત
પાપ તારું પરકાશ જાડેજા, ધરમ તારો સંભાર રે
તારી બેડલીને બૂડવા નહિ દઉં, જાડેજા રે
એમ તોરલ કહે છે જી
વાળી ગોંદરેથી ગાય, તોળી રાણી
વાળી ગોંદરેથી ગાય રે
બહેન ભાણેજાં મારિયાં, તોરલ દે રે
એમ જેસલ કહે છે જી
પાદર લૂંટી પાણિયાર, તોળી રાણી
પાદર લૂંટી પાણિયાર રે
વનના મોરલા મારિયા, તોરલ દે રે
એમ જેસલ કહે છે જી
ફોડી સરોવર પાળ, તોળી રાણી
ફોડી સરોવર પાળ રે
વન કેરા મૃગલા મારિયા તોરલદે રે
એમ જેસલ કહે છે જી
લૂંટી કુંવારી જાન, તોળી રાણી
લૂંટી કુંવારી જાન રે
સતવીસું મોડબંધા મારિયા, તોરલદે રે
એમ જેસલ કહે છે જી
હરણ હર્યાં લખચાર, તોળી રાણી
હરણ હર્યાં લખચાર રે
એવાં કરમ તો મેં કર્યાં, તોરલદે રે
એમ જેસલ કહે છે જી
જેટલા મથેજા વાળ, તોળી રાણી
જેટલા મથેજા વાળ રે
એટલા કુકરમ મેં કર્યાં, તોરલદે રે
એમ જેસલ કહે છે જી
પુણ્યે પાપ ઠેલાય, જાડેજા
પુણ્યે પાપ ઠેલાય રે
તારી બેડલીને બૂડવા નહિ દઉં, જાડેજા રે
એમ તોરલ કહે છે જી….
OP 21.5.22
લોકગીત * સ્વર : દિવાળીબેન ભીલ, અભેસિંહ રાઠોડ
***
આભાર
29-05-2022
આભાર છબીલભાઈ અને વિવેકભાઈ
‘કાવ્યવિશ્વ’ની મુલાકાત લેનારા સૌ મિત્રોનો આભાર.
વિવેક મનહર ટેલર
21-05-2022
અદભુત રચના
છબીલભાઈ ત્રિવેદી
21-05-2022
દિવાળી બેન ના અવાજ મા સરસ લોકગીત
પ્રતિભાવો