🔆લતા હિરાણી ~ જઈને એને મળવાનું🔆 -

પ્રકાશિત @ કવિલોક જુલાઇ 2025

*જઈને એને મળવાનું*

હાશ હવે તો ફળવાનું, જઈને એને મળવાનું…

ખુલ્લી બારી ને દરવાજા, ચારેકોર વગડતાં વાજાં
ખુલ્લા આકાશે ફરવાનું, જઈને એને મળવાનું….

ફૂલ, પાંદડા, પથ્થર છોડી, જળ ને સ્થળના બંધન તોડી
આભ-ધરામાં ગળવાનું, જઈને એને મળવાનું….

સુખ ને દુખની પાર થઈને, હદ-અનહદનો નાદ લઈને
ઢળ્યા વિના પણ ઢળવાનું, જઈને એને મળવાનું….

~ લતા હિરાણી

લતા હિરાણી * ઊગ્યું રે અજવાળું * ગુર્જર 2024

devendra raval

21/06/2026 at 8:40 am

વાહ… ખૂબ સરસ 🌹🌹🙏🙏

વિરલ વ્યાસ

21/06/2026 at 10:01 am

સરસ

Umesh Upadhyay

21/06/2026 at 4:30 pm

વાહ,અભિનંદન 👌👌

છબીલભાઈ ત્રિવેદી

21/06/2026 at 4:49 pm

વાહ ખુબ સરસ રચના ખુબ ગમી અભિનંદન

'સાજ' મેવાડા

21/06/2026 at 8:08 pm

વાહ, ખૂબ સરસ. જઈને એને મળવાનું, ઘણું કહી જાય છે.

🔆લતા હિરાણી ~ જઈને એને મળવાનું🔆