🔆શ્યામ સાધુ ~ અંદરથી પૂર🔆  

અંદરથી પૂર ઊમટ્યું છે દરવાજો ખોલ,
ધણ તેજ તિમિરનું છૂટ્યું છે દરવાજો ખોલ!

ત્યાં મૌન બનીને વિહ્વળ મસ્તક પટકે છે,
મેં ફૂલ શબ્દનું ચૂંટ્યું છે દરવાજો ખોલ!

પડછાયાની કાયા આ ધરતીને ચૂમે,
હવે હીર પ્રાણનું ખૂટ્યું છે દરવાજો ખોલ!

રસ્તાઓ ગુલમ્હોરો તો સપનાંની પાછળ,
ને અહીં નગર નીંદનું તૂટ્યું છે દરવાજો ખોલ!

અવાજના સહુ શ્વેત હંસ તો ઊડી જવાના,
અરે! અરેરે! અર્થોએ ઘર લૂટ્યું છે દરવાજો ખોલ!

~ શ્યામ સાધુ (15.6.1941 – 16.12.2001)

🥀વિશેષ : અંજના ભાવસાર, ભારતી વોરા ‘સ્વરા’, શ્યામ સાધુ, મકરંદ મૂસળે, પથિક પરમાર, અબ્દુલકરીમ શેખ🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

સર્જક શ્યામ સાધુ