🔆હરદ્વાર ગોસ્વામી ~ લાખ ઇચ્છાઓને🔆

લાખ ઇચ્છાઓને અવઢવ થાય છે  
એક સપનું ત્યારે સંભવ થાય છે.

ક્યાંક કોઈ વૃક્ષ હોવું જોઈએ,
શ્હેરમાં લ્યો, આજ કલરવ થાય છે.

દ્વાર દિલનાં ખોલવાં પડશે હવે,
પાંપણે કોઈના પગરવ થાય છે.

પથ્થરોના દિલને પ્હોંચે ઠેસ, તો
ડુંગરોના દેશમાં દવ થાય છે.

કેમ ચાહું કોઈ બીજાને, ગઝલ ?!
એક ભવમાં દોસ્ત, બે ભવ થાય છે.

~ હરદ્વાર ગોસ્વામી

સરળતા અને સહજતા…. જનસમાજના હૃદયને સ્પર્શે એવી ભાષા ને એવી રજૂઆત.

પણ ગઝલ માટેના અદભૂત પ્રેમ અને એ માટેની ઉપમા વાહ કહેવડાવી દે એવી !  

🥀વિશેષ : મીનાક્ષી પંડિત, અર્ચના પટેલ, સંજય પંડ્યા, ત્રિલોક મહેતા, Willim Butler Yeats🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

અનુભવની આંખે